Back Battleship Row English Allée des cuirassés French Csatahajósor Hungarian Battleship Row Dutch Savaş Gemisi Dizisi Turkish
Battleship Row (Ingelsk foar: "Slachskiprige", of frij fertaald: "Slachskipkade") wie in lokaasje oan 'e súdeastkant fan Ford Island, yn 'e lagune Pearl Harbor oan 'e súdlike kust fan it Hawaïaanske eilân Oähû. It makke diel út fan it Marinestasjon Pearl Harbor en wie it plak dêr't de Pasifyske Float fan 'e Amerikaanske Marine foarôfgeande oan 'e Twadde Wrâldoarloch de slachskippen ôfmarje liet. It wie dêrom ek it plak dêr't de Japanners harren bombardemint op rjochten doe't se op 7 desimber 1941 de Oanfal op Pearl Harbor útfierden. Dy deis leine oan Battleship Row sân slachskippen yn 'e mande mei ien reparaasjeskip. In achtste slachskip lei oan 'e súdkant fan Pearl Harbor yn in drûchdok.